Contoh Pidato Bahasa Bali

PENGARUH KEMAJUAN TEKNOLOGI RING SISIA

Olih : Ni Putu Windi Sukma Putri

Sane banget utamayang titiang Kepala Sekolah SMA N 1 Bangli, Bapak/Ibu Guru miwah staff tata usaha lan sisia SMA N 1 Bangli sane tresnasihin titiang.

Om Swastyastu,

Angayubagia uningayang titiang majeng ring Ida Sang Hyang Widhi Wasa, saantukan wantah sangkaning asung kertha wara nugraha Ida, iraga prasida kacunduk sadu arep sakadi mangkin ring galahe sane becik puniki. Titiang saking Dinas Pendidikan Pemuda dan Olahraga Kabupaten Bangli matur suksma antuk galah sane sampun kapaica antuk titiang sakadi mangkin.

Sane kapartama, pateh sakadi sane sampun uningayang iraga sareng sami, kemajuan teknologi ring era globalisasine puniki tan prasida baan rarianang, duaning mawinan antuk teknologi punika Indonesia prasida masaih teken negara-negara sane lianan.

Di jamane sane mangkin, teknologi sampun kauningin olih masyarakat luas. Saking anak kelih ngantos alit-alite uning ngangge teknologi. Teknologi sane akeh ring kalangan sisia inggih punika nganggen Internet, Facebook, Twitter, miwah sane lianan.

Luwih-luwih Internet  akeh dampak negatifnyane. Riantukan ring Internet wenten situs-situs sane tan patut keulati olih alit-alite sane dibawah umur, duaning situs-situs sakadi asapunika prasida ngarusak moral miwah manah sane ngakses. Lianan teken ipun, ring Internet wenten Game Online sane ngranayang para sisiane lali teken galah.

Sane kaping kalih, ring Internet wenten  Facebook. Ring Facebook iraga prasida matemu sareng timpal-timpal saking luar daerah ngantos luar negeri. Nanging, sebecik-becikne Facebook wenten masih nilai negatifnyane. Sakadi sane sampun uningin iraga sareng sami, ring televisi sampun kauningayang saking Facebook  akeh yowanane sane keni pelecehan seksual duaning yowanane icenine “janji-janji palsu”.

Riantukan Internet, para sisiane dados manja, napi mawinan sakadi punika? Mawinan sisiane nenten meweh ngamolihang jawaban paplajahan sane meweh ring sekolah. Para sisiane nenten kayun ngerereh ring bukune lan mangda praktis manten.

Nanging, yadiastun akeh dampak negatifnyane wenten masih dampak positif ngangge Internet , inggih punika saking Internet iraga prasida ngamolihang informasi dalam negeri miwah luar negeri, iraga prasida madue akeh timpal saking jejaring sosial sakadi Facebook lan Twitter, miwah sane lianan.

Wiaktin ipun, teknologi punika becik pisan  nanging tergantung sapasira sane nganggen teknologine punika. Nike mawinan ngiring iraga sareng-sareng nganggen teknologi sebeciknyane.

Inggih idadane sareng sami, asapunika indik pidarta titiange, wantah asapunika sane prasida atur titiang, titiang nunas geng rena sinampura mawinan kakirangan panyambran titian puniki. Dumogi Ida Sang Hyang Widhi nganugrahin iraga sareng sami kerahajengan, inggih puputang titiang antuk Paramasantih.

Om Santih Santih Santih Om